Не стивнуваат дискусиите околу интервјуто на британскиот принц Хари и неговата сопруга Меган Маркл, како и шпекулациите околу тоа колку се точни изнесените тврдења во разговорот со американската водителка Опра Винфри.
Пирс Морган, познатиот британски водител кој се повлече од шоуто Good Morning Britain затоа што беше нападнат од јавноста поради коментарите за Меган Маркл, се огласи на Twitter.
Морган е еден од најпознатите хејтери на Меган, а во изминатите неколку дена во емисијата тој отворено кажуваше дека не верува во ниту еден збор од нејзиното интервју и ги нападна неа и Хари за непочитување на монархијата.
Тој го напушти шоуто вчера среде дискусија со колегата Алекс Клеш, а подоцна најави дека нема да се врати во шоуто.
„Реков во понеделникот дека не верувам во ниту еден збор што го кажа Меган Маркл во интервјуто кај Опра. Имав време да размислам за ова мислење, и сè уште не верувам во тоа. Ако ми верувате, добро. Јас сум подготвен да умрам за слободата на говор. Ви благодарам за целата љубов и омраза. Одам да поминам повеќе време со моите мислења“, напиша тој на Twitter.
