Легендарниот возач на Формула 1, Михаел Шумахер повеќе од една деценија е енигма за светската јавност.
Како што објави германски Bild, постои можност Шумахер да бил на свадбата на ќерка му Џина.
Џина Шумахер, ќерката на легендарниот Михаел, во саботата на Мајорка се омажи за својот долгогодишен партнер Иан Бетке.
Церемонијата се одржа на шпански остров во луксузна семејна вила, чија вредност се проценува на повеќе од 30 милиони евра, која Шумахер ја купи од Флорентино Перес, претседателот на фудбалскиот клуб Реал Мадрид, пренесува Daily Mail.
На свадбата беа и нејзиниот вујко и помладиот брат на легендарниот Формула 1 возач, Ралф Шумахер.
Во организацијата на венчавката се вклучија различни компании, а секој мораше да ги остави мобилните телефони пред да влезе на имотот за да не ги фотографира приватните соби и простории на семејството.
„Дали Шуми навистина беше присутен на свадбата во саботата? Можно е. Дури и многу можно. Но, тој не беше во градината, каде што имаше други гости, од кои некои, без сомнение, не припаѓаат на најтесниот семеен круг од доверба“, наведува Bild.
