Младата парагвајска пливачка Луана Алонсо го шокираше светот со одлуката по неуспехот на Летните олимписки игри во Париз.
Алонсо во саботата исплива во квалификациите за 100 метри делфин, а откако не се пласираше во полуфиналето реши да стави крај на кариерата.
Младата Луана има само 20 години и неуспехот очигледно многу ја погоди, а колку ѝ значел настапот во Париз докажува и фактот што на десната нога го истетовира симболот на Олимписките игри.
Парагвајката целосно потфрли во квалификациите и на 100 метри делфин стил исплива само со време 1:03.09, па не беше ни блиску до најбрзите 16 пливачки кои се пласираа во полуфиналето.
„Сега е официјално! Се повлекувам од пливање, многу ви благодарам на сите за поддршката! Извини Парагвај, само ми останува да се заблагодарам!“, напиша таа на Instagram.
Алонсо има неколку парагвајски национални рекорди, вклучувајќи ги и сите рекорди на делфин и рекордот на 50 метри грбно. Минатата година на натпреварувањето во Westmont Pro Swim Series успеа за прв пат да ја исплива трката на 100 метри слободно за помалку од една минута, но во Париз очајно потфрли.
