Иако Шакира и Пике барем малку ги оставија настрана несогласувањата за да го прослават роденденот на нивниот син Милан, сега на интернет се појави видео кое покажува дека во тоа семејство имало повеќе проблеми отколку што изгледа на прв поглед.
Иако многумина ја критикуваа Шакира затоа што на балконот од нејзината куќа стави вештерка свртена кон куќата на свекрвата и ѝ пишуваа дека не треба да ја меша во конфликтот меѓу неа и Пике, се чини дека Монсерат Бернабеу многу се мешала во нивната врска.
На видеото кое се појави на социјалните мрежи, се гледа како Шакира и Монсерат се расправаат, а во еден момент мајката на Пике ја зграпчува Шакира за лицето додека пејачката ѝ ја турка раката.
Особено е впечатлив моментот во кој Монсерат избезумено гледа во Шакира и покажува со прст кон неа да замолчи.
Наводно, Монсерат во тоа видео ѝ рекла на Шакира: „Мораш да ја држиш устата затворена“, пренесуваат шпанските медиуми.
Додека се одвиваше нивното соочување на улица, Пике само стоеше и гледаше. Видеото од инцидентот кое дури сега заврши на мрежите е снимено порано, но не се знае точниот датум.
Многумина се револтирани од ова видео.
„Не можам да верувам дека Пике само стоеше додека мајка му јаа држеше Шакира за лицето“, „Погледнете го Пике. Не прави ништо. Не знае како да ја заштити Шакира од сопствената мајка. Тоа не е маж“, „Ми се гади. Погледнете го гневот во очите на мајката на Пике“, се дел од коментарите под видеото кое има над два милиони прегледи.
