На Србија не ѝ беше дозволено да се пласира во финалето на олимпискиот турнир, пишуваат српските медиуми.
„Нашите кошаркари беа брутално запрени на натпреварот против Соединетите Американски Држави. Она што беше впечаток по натпреварот, сега стана гола вистина“, вака пишува MaxBet Sport.
Само во четвртата четвртина судиите 9 пати згрешиле на штета на „Орлите“.
„На Американците им е дозволено да прават нелегални блокади, да газат на линија, да прават чекори, двојни грешки. Му судеа и тројка на Дурент при фаул над Јокиќ, иако фаулот на Јокиќ беше пред обидот за шут на Кевин Дурент... Сѐ им беше дозволено само да стигнат до предност на Србија“, пишува гореспоменатиот медиум.
На социјалните мрежи е објавена компилација од судиски грешки на штета на Србија во четвртата четвртина од мечот со Американците.
