Возач на камион загина на лице место кога „Сканија“ се превртела во четвртокот на регионалниот пат Прилеп - Македонски Брод, на планинскиот превој Барбарос.
Несреќата се случила околу 10.30 часот, кога шеесет и шестгодишниот прилепчанец кој управувал со камионот во сопственост на фирмата „Смит-транс’ од Прилеп, движејќи се во правец на Македонски Брод, изгубил контрола над возилото и се превртел на коловозот, при што починал на лице место.
Увид на местото на настанот извршила екипа од Полициската станица Македонски Брод. Сообраќајот беше во целосен прекин од 10.30 до 19.25 часот.