Хроника

Се преврти пожарна во Маџари, тројца пожарникари повредени

18. јули 2018 - 11:56 | МИА

Скопје, 18 јули 2018 (МИА) - Тројца пожарникари од Територијалната противпожарна единица на Град Скопје се повредени денеска откако противпожарното возило се превртило во скопската населба Маџари кај Триангла.

- Пожарникарите итно се префрлени во Ургентниот центар, контактибилни се и се прават детални анализи, изјави за МИА командантот на Територијалната противпожарна единица на Град Скопје Звонко Томески.

Екипата требало да интервенира на пожар во куќа во селото Арачиново. Таму била испратена друга екипа. Опожарена е куќа во Арачиново од 200 метри квадратни, покрив и еден кат.

Противпожарното возило се превртило од засега непознати причини. Во тек е увид на местото на несреќата, а штетата дополнително ќе биде утврдена.

Коментирај