Длабоко под морското дно, затворено во слоеви од камења стари 100 милиони години, до денес мирно хибернирала форма на живот. Не се работи за ништо слично на Годзила или Мегалодон, но покажува дека животот на Земјата може да преживее во најекстреми и најбизарни услови.
Научниците неодамна открија колонија на микроби кои живеат под морското дно и можат да преживеат во седимент од камења дури 100 милиони години со многу малку хранливи материи. Микробите биле опоравени во лабораториски услови каде излегле од хибернација и почнале да се размножуваат.
Списанието Nature Communications пишува дека тимот научници дошол до овие микроби откако собрал примерок од седимент 75 метри под морското дно во јужните делови на Тихиот Океан, на длабочина од околу 5.700 метри. Микробите биле успешно „оживеани“ преку процес за кој на научните им биле потребни 10 недели.
„Овие се најстарите микроби вратени во живот од морска средина. Дури и по 100 милиони години на гладување, некои микроби можат да растат, да се размножуваат и да се впуштаат во разно-разни метаболички активности откако ќе бидат вратени на површината“, вели Стивен Д'Хонт, еден од научниците и професор по океанографија при Универзитетот во Род Ајленд.