Поради пандемијата на коронавирусот многумина заборавија дека неодамна Австралија беше зафатена во еден од најтешките пожари во кој многу животни ги загубија животите. Најтешко беа погодени коалите, но сега од Австралија доаѓаат добри вести.
Во еден од резерватите се роди првата коала во периодот по пожарите. Веста на социјалните мрежи ја објави Australian Reptil Park, а коалата го доби името Еш.
„Еш е симбол на надеж за дивиот свет во Австралија и претставува почеток на успешна сезона на парење“, изјави за BuzzFeed Ден Рамси, еден од чуварите во резерватот. „Кога видовме како главчето ѕирка од стомакот на мајката, тоа беше навистина посебен момент“, додаде тој.
