Герет Бери, фудбалерот од средината на теренот на Вест Бромвич Албион, во понеделник ќе стане играчот со најмногу настапи во историјата на Премиер лигата.
36-годишниот Англичанец ја игра својата јубилејна 20 сезона во најјсилната лига во светот, а досега собра 632 настапи, бранејќи ги боите на Астон Вила, Манчестер Сити, Евертон и ВБА.
Ист број на настапи има и живата легенда на Манчестер Јунајтед Рајан Гигс, кој до минатиот викенд беше осамен на врвот на оваа листа.
„Сакам да играм додека тоа е возможно. Сите ми го велат тоа- играчи во пензија, пријатели, бидејќи по завршувањето на кариерата ќе имам премногу време за одмарање“, вели Бери.
Своето деби во Премиер лигата го имаше во далечната 1998 година во мај како играч на Астон Вила , а тој е и првиот фудбалер кој најмалку 600 пати започнал натпревар во почетниот состав.
Исто така, тој е играчот со најмногу жолти картони (119), покрај него само Руни е со троцифрен број во оваа категорија (100).
Од друга страна, за националниот тим забележа 53 настапи, а ќе остане и запаметен како играч кој го постигнал 2.000 погодок за „Гордиот Албион“.