Милс прво ја застрелал мајката на неговото дете, а потоа посегнал по сопствениот живот.
Хаген Милс го глумеше ликот на Лаки во серијата „Baskets“ на Зак Галифанакис, а последно се појави во хоророт „Star Light“ чија премиера треба да биде на 4 август.
29-годишниот Милс прво пукал во Ерика Прајс (34 год.) со која има ќерка, а потоа се самоубил, вели полицијата.
Ерика била застрелана во раката и градите и ја дочекала полицијата пред нејзината куќа кога им рекла дека Милс е внатре. Тој ја чекал да се врати држејќи ги како заложници нејзината мајка и нивната ќерка.
Полицијата констатирала дека Милс бил веќе мртов, додека Ерика била пренесена во болница и е во стабилна состојба. Мајка ѝ и ќерката не биле повредени.
