Новата роботска сонда на американската вселенска агенција успешно слета на Црвената планета. Ако сè оди според планот, ќе собори неколку рекорди и ќе донесе нови сознанија за историјата на Марс, но и за нашата планета.
Проектот InSight вреди 830 милијарди долари. Сондата е тешка околу 358 килограми, а по патување од 7 месеци успешно слета на површината на Марс. Патувањето беше следено од два сателита наречени Mars Cube One, кои помогнаа при снимањето и преносот на клучни податоци за слетувањето. Еден од нив ја фотографираше сондата по слетувањето.
Сондата е опремена со роботска рака долга 1.8 метри, 3D камери и сензори. Токму сензорите ќе ги мерат промените во временските услови и во магнетното поле. Со енергија ќе се напојува од два соларни панели, а од научни инструменти е опремена со сеизмограф, сонда за мерење температура, уред за мерење радиобранови.
Освен мерења, сондата на површината ќе врши и експеримент со кој ќе го следи движењето на Марс за кружењето по орбитата околу Сонцето, што на научниците би требало да им помогне да дознаат што се одвива во најдлабоките делови на јадрото, пишува Business Insider.