Американската јавност од синоќа се наоѓа во шок поради крвавиот инцидент кој се случи во училиште во Мичиген. Петнаесетгодишен ученик со пушка уби тројца ученици, а 8 се тешко ранети.
Иако полицијата уште го истражува случајот, не се знае мотивот за страшното злосторство. Ова е најкрвавото масовно пукање во некое училиште во САД годинава, пишува The New York Times.
Тинејџер на возраст од 15 години усмрти тројца млади луѓе на возраст од 14,16 и 17 години. Осуммина се здобија со тешки телесни повреди. Двајца од повредените се оперирани и се наоѓаат на интензивна нега, додека шест лица се во стабилна состојба.
Полицијата уште ги истражува околностите кои доведоа до инцидент во училиштето, а засега се смета дека осомничениот делувал сам. Уапсен е без да даде отпор откако испукал 15 до 20 куршуми.
„Сè траеше 5 минути“, изјави заменик шерифот Мајкл Мекејб.
Осомничениот по апсењето не сакал да разговара со полицијата, одбрал да се брани со молчење.
Американскиот претседател Џо Бајден изјави сочувство до семејствата.
„Сочувствувам со семејствата кои минуваат низ незамислива така поради губење на саканите“, изјави тој.
