Во досегашните речиси тридневни воени дејствија меѓу ерменските и азербејџанските сили околу спорниот регион Нагорно-Карабах, убиени се речиси сто лица, меѓу кои и цивили.
Локалното раководство на Ерменија соопшти дека досега во борбите, што почнаа во недела, се убиени 84 нејзини војници, но дека има и цивилни жртви.
Азербејџанскиот претседател Илхам Алиев изјави дека се убиени 10 цивили. Засега нема официјални информации за жртвите меѓу азербејџанските воени сили.
Ерменското Министерство за одбрана денеска соопшти дека бил запален цивилен автобус во ерменскиот град Варденис, на самата граница со Азербејџан, и далеку од Нагорно-Карабах, откако бил погоден од азербејџанско беспилотно летало, но, се чини, дека нема повредени во инцидентот.
Азербејџанското Министерство за одбрана соопшти дека ерменската армија од Варденис го гранатирала азербејџанскиот регион Дашкесан. Ерменија ги негира овие наводи.
