Алесија Кафелникова објави видео во кое се гледа како гола позира качена на загрозен вид азиски слон, поради што ги налути луѓето кои ја следат на социјалните мрежи.
Веднаш по нејзината објава, се јави портпаролот на здружението „Да ги сочуваме азиските слонови“, кој не сокри колку е згрозен од постапката на младата девојка.
„Се снимала на слон, а токму тој вид на слон постојано се бори за преживување бидејќи брутално ги искористуваат за туризам и забава. Здружението законски се залага за забрана за огласување и продажба на неетични места на кои тие посебни суштества ги комерцијализираат и малтретираат“, вели портпаролот.
По негативните коментари се јави и Кафелникова, која објави фотографија со слонот.
„Ги сакам слоновите и го сакам Бали. Тоа беше приватно фотографирање, воопшто немав намера да повредам нечии чувства. Ја сакам културата на Бали и ги почитувам индонезиските правила. Жал ми е ако сте виделе нешто негативно во ова. Сакам да ви покажам дека ги почитувам животните, особено слоновите, повеќе од сè“, порача таа.
Алесија е ќерка на поранешниот тениски шампион Јевгениј Кафелников.
