Македонскиот народен театар се приклучи на иницијативите за доближување на културата до граѓаните во време на засилени мерки за заштита од коронавирусот.
„Драга публико, бидејќи овие денови не можете да уживате во магијата на театарската игра, МНТ е секогаш тука за вас. Од утре со почеток од 20 часот стартуваме онлајн и во вашите домови, каде што бесплатно преку нашиот YouTube канал можете да ги гледате претставите со следниот редослед:
18.3. „Сомнително лице“
19.3. „Изгубени Германци“
20.3. „Парите се отепувачка“
23.3. „Да тргнеме Сењор“
24.3. „Мајсторот и Маргарита“.
Останете дома, почитувајте ги препораките, бидете со нас и гледајте нѐ онлајн“, порачаа од МНТ.
