Брзо мини-интервју со стрелецот број еден во најдобрата македонска фудбалска лига, десетката на лидерот Вардар, Даниел Аврамовски.
1. Фудбалер идол?
- Франческо Тоти.
2. Најдобар фудбалер против кого имаш играно?
- Адриен Рабјо.
3. Најдобар совет од тренер?
- Посвети се на фудбалот, на нормалниот живот, биди поштен пред себе и пред другите и сфати дека сите падови во кариерата се случуваат со причина за да можеш да се издигнеш, да научиш повеќе и да се вратиш посилен.
4. Незаборавен момент во твојата кариера?
- Пласманот на ЕУРО 2017 со У21 репрезентација на Македонија.
5. Прв почеток со фудбал?
- Почнав да тренирам од својата седма година, а професионално со сениорски фудбал првиот тренинг го имав на 15 години.
6. Кој е најоткачен во твојот тим?
- Ги има многу па затоа не знам од кој да почнам! 
7. Најголема казна од клуб или тренер?
- Најтешка казна за мене е кога не сум играл во некој од клубовите.
8. Најголем лутко во екипата?
- Кристијан Тошевски! 
9. Најслатка победа и најгорчлив пораз?
- Многу победи ми биле слатки, но најгорчлив пораз ми е во белградското дерби со Црвена звезда од Партизан.
10. На кој стадион сакаш најмногу да играш со твојот тим?
- Секако тоа е нашиот „Градски“ во Скопје, но на гости сакам на „Олимпико“ во Рим.
11. Што би променил во нашата фудбалска лига?
- Па, има многу работи кои треба да се променат во што поскоро време ако сакаме да напредуваме. Инфраструктурата е еден од најголемите според мене.
Интервјуто е позајмено од footbla.com.
