Ризикот од рак зависи од многу животни фактори меѓу кои се и начинот на исхрана, вежбање, како и генетските предиспозиции.
Дури и изложеноста на хемикалии на работното место има долгорочни здравствени ефекти.
Нутриционистката Никол Ендрјус, која работи со болни од рак, објави видео во кое открива начини како да се намали ризикот од рак.
Првиот совет што го сподели Ендрјус е да додадете повеќе растителна храна во секојдневната исхрана. Досегашните докази покажуваат дека консумирањето житарки од цели зрна и друга храна богата со растителни влакна штити од рак на дебелото црево. Оваа поврзаност е исто така конзистентна во студиите за исхраната и севкупниот ризик од рак.
Ендрјус објасни дека не треба да бидете веган за да го намалите ризикот од рак, туку треба да ја збогатите исхраната со овошје, зеленчук и интегрални житарки.
„Две третини од сите оброци треба да се состојат од овошје, зеленчук, грав, мешунки, житарки, јаткасти плодови или семиња“, советува таа.
Следен на нејзината листа на забранети намирници е алкохолот, за кој се покажа дека го зголемува ризикот од рак. Исклучувањето на алкохолот значи отстранување на еден од најчестите канцерогени работи кои луѓето ги консумираат. Докажано е дека консумирањето алкохолни пијалоци предизвикува рак на уста, грло, хранопроводник, црни дроб, дојка, дебело црево и желудник.
Секојдневното движење исто така е важно за здравјето. Исто како и одржувањето на здрава телесна тежина.
Ендрјус препорачува да избегнувате преработено месо кое се поврзува со рак на дебелото црево.
Исто така, советува да се откажете од пушење цигари бидејќи освен што предизвикува рак на белите дробови, може да го зголеми и ризикот од други видови канцер.
@oncology.nutrition.rd 7 was cut off - it was to not take high dose supplements unless prescribed and monitored by your doc as high dose micronutrients can become free radicals and increase cancer risk with cell damage! #cancersucks #cancerfighter #cancerawareness #cancersurvivor #chemotherapy #chemoqueen #chemotherapysideeffects #chemotherapy #lungcancer #prostatecancer #livercancer ♬ original sound - Nichole Andrews, RDN
