Фит

Седум најчести фитнес митови во кои веруваме

19. март 2019 - 15:31 | Кајгана

Здравата исхрана и физичката активност во последниве години станаа сè попопуларен тренд. Но, нашето фитнес „патување” често може да го отежнат погрешни информации и заблуди, како на пример овие.

Со вежбање може да ги избришете лошите навики во исхраната

Дури 80% од вашиот изглед зависи од тоа што јадете и како јадете. Kaлориите и мастите лесно се внесуваат, но потешко е да се ослободите од нив.

Со вежбање сакате само да ги истакнете мускулите

Нормално, можно е, но не доколку не внимавате што јадете. Вашите мускули се доволно оформени и затегнати, но не се видливи поради мастите со кои се покриени.

На жените им се потребни поинакви вежби од мажите

Мажите и жените се од иста планета. Иако можеби се разликуваат кога е во прашање мускулната сила, но ова не значи дека треба да вежбаат различно. Мажите сакаат да се фокусираат на стомачните мускули, градите и рацете, а жените обично се фокусираат на вежби за задникот и нозете.

Жените треба да креваат помали тежини и да прават повеќе повторувања отколку мажите

Жените често се плашат дека со дигање на тешки тегови би можеле премногу да ги развијат мускулите, што не е вистина, тврдат стручњаците. И на мажите и на жените им се препорачува вежбање со тежини кои им се предизвик.

Секогаш морате да се истегнете пред вежбање

Конвенционална мудрост е дека истегнувањето помага да се спречат повредите. Наспроти тоа, ризикот од повреди се зголемува, велат фитнес тренерите. Затоа, загрејте се добро со кардио тренинг, а истегнете се после тренинг.

Повеќе масти ќе согорите на празен стомак

Според мислењето на стручњаците, вежбањето со празен стомак повеќе ги троши мускулите, а недостатокот на „гориво” не овозможува врвни перформанси.

Шејковите се одлични за губење килограми

Не е дека се лоши, но нема да ве одржат сити, па подобро одберете интегрални намирници. Но, доколку сепак сакате да ги консумирате, додадете протеин од сурутка за да ве заситат.

Коментирај