Листа од истражувања објавена на Business Insider покажа кои особини се поврзани со повисокото ниво на интелигенција, за разлика од просечното. Станува збор за статистика, па веројатно овие резултати е најдобро да ги земете со резерва.
Истражување во 2007 година спроведено меѓу припадници на норвешката војска покажало дека најголемите деца во семејството имаат повисок IQ. Меѓутоа, ова не е генетски предодредено, туку научниците сметаат дека е така поради тоа што родителите повеќе внимание посветуваат во раснењето на своето прво дете, отколку на тие што подоцна се раѓаат.
Во 2011 година е спроведено истражување на група деца. Биле поделени во две групи, првата имала часови по ликовна уметност, а втората по музика. За само 20 дена, 90 проценти од децата во музичката група покажале знаци на повисоко ниво на вербална интелигенција.
Истражување спроведено во 2010 година во Израел, на група мажи од 18 до 21 година, покажало дека пушачите имаат пониско IQ од непушачите. Студијата е спроведена на 20.000 млади мажи и покажала дека просечното IQ на непушачите е повисоко за 7.
Здравото тело е поврзано со здрав ум. Истражување во Франција спроведено во 2006 година откри дека дебелите луѓе се сеќаваат на 44% од зборовите додека послабите се сеќаваат на 56% на зборовите во вербален тест.
Во 2007 година е спроведена студија на 643 луѓе која покажала дека леваците се поинтелигентни од деснаците. Истражувањето сугерира дека леваците се повеќе склони на дивергентно размислување, што е една од најважните карактеристики на креативноста.
Истражување од 2014 година откри дека луѓето кои повеќе сакаат кучиња се поотворени, а оние кои сакаат мачки се поинтелигентни.
Истражување спроведено во 2009 година покажа дека повисоките деца имаат подобри резултати на тестовите на интелигенција. Студијата е објавена на страницата на Националниот центар за биотехнолошки информации во САД и тврди дека повисоките луѓе имаат и повисоко IQ.
Освен тоа, истражување од Принстон сугерира дека повисоките деца постигнуваат малку подобри резултати на когнитивните тестови, пренесе Business Insider.