Сапунот за миење садови не е наменет за чистење на сите површини, а неговото користење на било кој од овие предмети може да има страшни последици.
Сапунот за миење садови ги отстранува природните емолиенси во кожата и поради тоа потоа многу брзо може да дојде до пукање на вашата добра кожна јакна или чевли, ташни, мебел, како и седиштата во автомобилот.
Дрвените подови во вашиот дом треба да бидат издржливи, но поради неправилното чистење можат да се изгребат и извалкаат. За да ги исчистите на правилен начин почнете со усисување за да ја отстраните прашината, а потоа избришете ги со средство за чистење направено специјално за дрвени подови.
Свилата се заснова на протеини и поради тоа е многу важно да избегнувате остри или јаки детергенти при чистењето, а сапунот за миење садови дефинитивно се смета за јак детергент.
Сапунот за миење садови лесно може да го отстрани заштитниот слој од бојата и да ја остави подложна на избледување и оксидација. За да избегнете завршниот дел од чистењето на вашиот автомобил да направи штета, користете исклучиво средства за чистење автомобили.
Без обѕир дали се обидувате да исчистите нечистотија од вашата машина за перење садови или ви снемало од оние специјални детергенти за истата, дефинитивно не смеете да посегнете по сапунот за садови. Сапунот и сјајот за садови можеби ги чистат садивите, но нивните формули се различни и количината на пена која се создава од сапунот за садови може да ѝ наштети на машината (или да доведе до создавање на огромно количество на меурчиња и голем неред за чистење).
Иако можеби е примамливо да ја исчистите машината за кафе со сапун за садови како борба против маснотиите за да ги отстраните мрсните остатоци што ги остава зад себе, подобро е да го избегнувате. Ова важи двојно кога станува зборт за резервоарот за вода - ставањето сапун во него само ќе создаде неред од пена и потоа може да се покаже невозможно целосно да се измие.
Тавчињата и тенџерињата изработени од леано железо е важно правилно да се одржуваат за да може прописно во нив да подготвите јадења. Миењето со сапун за садови дефинитивно не е паметна опција бидејќи ќе им ја оштети подлогата. Дури и едноставно миење само со вода е многу попаметно решение.