Седум видови на одмор што ни се потребни на сите

Се обидувавте да го надоместите постојаниот недостаток на енергија со спиење, но иако спиевте, сепак сте исцрпени. Спиењето и одморот не се исти, иако многумина од нас ги мешаат двете.

Минуваме низ животот мислејќи дека сме одмориле затоа што сме спиеле доволно, но во реалноста ни недостигаат други видови одмори кои очајно ни се потребни. Резултатот е култура на високо продуктивни, хронично уморни и „согорени“ индивидуи.

Страдаме од дефицит на одмор затоа што не ја разбираме вистинската моќ на одморот. Одморот треба да биде еднаков на реставрацијата во седум клучни области од вашиот живот.

Физички одмор

Првиот вид на одмор што ни треба е физички одмор, кој може да биде пасивен или активен. Пасивниот физички одмор вклучува спиење и дремење, додека активниот физички одмор вклучува активности како јога, истегнување и масажа, кои помагаат да се подобри циркулацијата и телесната флексибилност.

Ментален одмор

Друг вид на одмор е менталниот одмор. Сите имаме колега или колешка кој/а секој работен ден го почнува со огромна шолја кафе. Овие луѓе често се нервозни, забораваат и тешко се концентрираат на својата работа. Кога легнуваат ноќе, често се борат да го исклучат мозокот додека разговорите од денот им ги исполнуваат мислите. И покрај тоа што спиеле седум до осум часа, се будат како воопшто да не легнале во кревет. Имаат дефицит на ментален одмор.

Ако вие сте тој колега/таа колешка, добрата вест е дека не мора да дадете отказ или да одите на одмор за да ја поправите ситуацијата. Закажете кратки паузи што ќе се случуваат на секои два часа во текот на вашиот работен ден, овие паузи можат да ве потсетат да забавите. Исто така, можете да чувате тетратка покрај креветот за да ги запишувате мислите што не ве оставаат да спиете.

Одмор на сетилата

Силно светло, компјутерски екрани, бучава во позадина и повеќе разговори - без оглед дали се во канцеларија или на Зум повици – секојдневните работни обврски може да предизвикаат преоптоварување на нашите сетила. Можете да си помогнете со едноставно затворање на очите на една минута во средината на денот, како и намерно исклучување на електрониката на крајот на секој ден.

Креативен одмор

Овој вид на одмор е особено важен за секој што треба да ги реши проблемите или да помисли на нови идеи. Креативниот одмор одново го буди одушевувањето кај секој од нас. Дали се сеќавате кога првпат го видовте морето или некој водопад? Дозволувајќи си да уживате во убавината на околината - дури и ако е во некој локален парк или во дворот - ви дава креативен одмор.

Сепак, креативниот одмор не е само ценење на природата, тој исто така вклучува уживање во уметноста. Претворете го вашиот работен простор во место за инспирација прикажувајќи слики од местото што го сакате и уметнички дела. Не можете да поминувате 40 часа неделно гледајќи во празна или хаотична средина и да очекувате да се чувствувате добро.

Емоционален одмор

Дали имате пријател за кој секој мисли дека е најубавата личност што некогаш ја сретнале. Тоа е човек од кој зависат многумина, оној кому ќе му се јавите кога ви треба услуга, бидејќи дури и ако тие не сакаат да го сторат тоа, знаете дека неволно ќе ви кажат „да“, а не вистинско „не“. Но, кога тој човек е сам, тој се чувствува неценет и експлоатиран.

На таквите луѓе им треба емоционален одмор, што значи дека им треба време и простор за слободно да ги изразат своите чувства и да престанат да ги задоволуваат сите. Емотивниот одмор исто така бара храброст да се биде автентичен. Емоционално одморена личност може да одговори на прашањето „Како си денес?“ со вистинското „Не сум добро“ - и потоа да продолжи да споделува некои тешки работи што инаку остануваат неискажани.

Социјален одмор

Ако ви треба емотивен одмор, веројатно имате и дефицит на социјален одмор. Ова се случува кога не успееме да ги разликуваме оние односи што нè оживуваат од оние односи што нè исцрпуваат. За да го доживеете навистина социјалниот одмор, опкружете се со позитивни луѓе кои ве поддржуваат. Понекогаш тоа значи само да се отсечете на доволно време од луѓето кои не ви се најблиски и кои ги гледате само поради работа.

Духовен одмор

Духовен одмор, односно способност за поврзување над физичкото и менталното и длабоко чувство на припадност, љубов, прифаќање и цел. За да го почувствувате ова, вклучете се во нешто поголемо од себе и додадете молитва, медитација или учество во заедницата во вашата дневна рутина.

Како што можете да видите, сонот сам не може да нѐ врати во нормала каде ќе се чувствуваме одморени. Значи, време е да започнеме да се фокусираме на обезбедување на вистински вид одмор што ни треба.

Тагови
реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Како е поврзано пиењето кафе со ракот на дебело црево?

Read more

Живот

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Најскапите намирници во светот: Треба да потрошите вистинско богатство за нив

Read more

5 причини зошто треба да го ограничите времето што децата го поминуваат пред екрани

Read more
 

Магазин

  • filter

Четири одлични совети: Слабеењето може да биде успешно и без одење во теретана

Читај повеќе

В недела почнува летното сметање на времето: Како поместувањето на стрелките влијае на нашето тело?

Читај повеќе

Едноставен и брз метод: Белите патики повторно ќе изгледаат како нови

Читај повеќе

Историски заблуди

Читај повеќе

5 совети како да го разгорите повторно вашиот сексуален живот

Читај повеќе

Голем месечен хороскоп за април 2024: Ретрограден Меркур им ги мрси конците на неколку знаци

Читај повеќе
  • filter

Најскапите намирници во светот: Треба да потрошите вистинско богатство за нив

Читај повеќе

Рецепт на денот: Јагнешки бут зачинет на грчки начин

Читај повеќе

Зошто никогаш не треба да го резервирате седиштето 11А во авион?

Читај повеќе