Должината на врската и тоа колку време поминувате заедно не се категорични знаци дека сте создадени еден за друг.
Тоа не значи дека не сте доживеале љубов или дека вашата врска е лага, но самиот факт дека сте останале заедно долго време не е доволен дека тоа е вашата сродна душа.
Ова се седум знаци дека партнерот со кој сте е вашиот партнер за цел живот.
1. Чувствувавте блискост кон таа личност уште пред да бидете заедно. Без разлика во какви околности сте се запознале, кон таа личност сте почувствувале поврзаност од првиот момент што била подлабока од симпатија или флерт.
2. Заедно сте во вистинско време. Сте се запознале кога и двајцата имавте расчистено со своето минато и свесно сте влегле во врската. Дури и да сте биле со други во моментот на запознавање, нешто посилно ви кажало дека тоа не е тоа и сте ја избрале оваа личност.
3. Ги знаете сите маани на другиот и не ви пречат. Од најмали до најголеми, мааните се дел на секој од нас. Знаете дека и вие не сте совршени и не се ни обидувате да го направите партнерот совршен. Едноставно ви одговара таков каков што е.
4. Не се плашите да разговарате. Без разлика дали станува збор за препреки во врската, за секс, за заеднички одлуки... двајцата навремено разговарате за нештата што ве мачат и сте отворени за сослушување на другата страна. Комуникацијата е клучна за опстојување на врската и градење доверба.
5. Немате потреба постојано да бидете заедно. И откако ќе помине фазата „меден месец“ кога сакате постојано да сте еден со друг и да дознавате повеќе еден за друг, вашата поврзаност е силна и кога не сте заедно. Двајцата ја имате задржано вашата индивидуалност и немате потреба да докажувате колку се сакате со тоа што секаде се појавувате како сијамски близнаци. Тоа значи дека имате доверба еден во друг и вашата љубов е уште посилна кога сте одвоени.
6. Се надополнувате еден со друг. Тоа не значи дека не сте биле целосни без оваа личност, но ве прави да бидете подобра личност за себе и за другите. Верувате во способностите на другиот и го поттикнувате најдоброто еден во друг.
7. Едноставно знаете. Кога сте со таа личност немате сомнеж дека сте го направиле вистинскиот избор, не ја споредувате врската со претходните или со некоја идеална врска во вашата глава, туку само со нетрпение чекате да видите што ќе донесе иднината за вас.