Железото е основен минерал потребен за производство на хемоглобин, крвен елемент кој помага да се пренесе кислород до ткивата.
Внимавајте на овие сигнали што ви ги испраќа вашето тело, бидејќи тие можат да покажат дека имате недостаток на железо.
1. Уморни сте
Уморот е еден од главните симптоми поврзани со недостаток на железо. Ако се чувствувате крајно уморно, беспомошно и слабо, многу е веројатно дека ви недостасува овој основен минерал. Причината лежи во фактот дека недоволно кислород тече низ вашето тело.
2. Недостаток на воздух
Ова е особено изразено за време на вежбање. Ако забележите дека имате тешкотии при дишењето за време на нормална прошетка, можно е да имате недостаток на железо.
3. Синдром на немирни нозе
Тоа е синдром чие име јасно кажува сѐ –имате несвесна потреба да ги движите нозете, што особено може да го наруши сонот. Ова е еден од понеобичните симптоми поврзани со недостатокот на железо во телото.
4. Студени дланки и стапала
Телото ги турка црвените крвни клетки кон најважните органи - срцето, мозокот и црниот дроб. Затоа, студените дланки и стапала и кожата воопшто укажуваат дека ви недостасува овој важен минерал.
5. Несвестица
Недостатокот на железо може да биде причина зошто се онесвестувате. Несвестицата и болката во градите се јасни предупредувачки знаци дека треба да легнете и да се одморите за да стигне повеќе кислород до мозокот и срцето.
6. Развивање на некои проблеми со срцето
Недостатокот на железо, исто така, влијае на црвените крвни клетки, што може да го отежне протокот на кислород низ телото. Ова може да резултира со развивање некои проблеми со срцето, а може да биде особено опасно за луѓето кои веќе имаат некои кардиоваскуларни заболувања.
7. Ви се јадат необични работи
Ако копнеете за некои навистина необични работи, тоа може да укаже на анемија, пишува The Healthy. На пример, ако сакате да јадете глина или кал, тоа може да значи дека имате недостаток на железо.