Недостатокот на сон е проблем со кој се соочува едно од три возрасни лица ширум светот, а една од причините за тоа е и економската загуба.
Резултатите од истражување кои можат да се прочитаат во листата „Sleep“, која ја објавува универзитетот Оксфорд, покажуваат дека се повеќе возрасни лица се жалат на недоволна количина на сон.
Истражувањето покажа дека е зголемен општиот процент на луѓе кои се жалат на недоволна количина на сон, а во претходни истражувања во Западните земји тој процент се движеше помеѓу 20 и 30 отсто.
Помеѓу 33 и 45 отсто од возрасните луѓе во Австралија се жалат на недоволна количина на сон. По нив следуваат Американците со 35 отсто и Канаѓаните со 30 отсто.
Бројот на луѓе кои немаат доволна количина на сон во Велика Британија е 37 отсто, во Сингапур 28, а во Франција 26 отсто.
Недоволната количина на сон може да биде предизвикана и од економски последици, а научниците ги анализирале анкетите спроведени на оваа тема во земјите ширум светот, како и базата на податоци со кои располагаат.
Во истражувањето стои дека недостатокот на сон е поврзан со проблеми со концентрацијата, збунетост, нервоза, пренесување на погрешни информации, проблеми во комуникацијата, но и со зголемен ризик од срцев и мозочен удар, како и зголемување на крвниот притисок, депресија и дијабетес.