Љубов и секс

Секс за една вечер: Жените помалку се каат ако сексот бил добар

13. март 2018 - 15:12 | А.С.

Младите жени помалку се каат после секс за една вечер ако тие ја презеле иницијативата и ако сексот бил добар, покажа едно најново истражување.

Претходни истражувања покажале дека генерално, жените повеќе се каат од мажите по секс за една вечер.

Резултатите од истражувањето во кое биле опфатени 547 студенти од Норвешка и 216 студенти од САД, сите хетеросексуалци, покажале дека „најјасен родово изразен фактор“ за каење по „секс без обврски“ е тоа кој го направил првиот чекор, односно кој бил иницијатор.

Истражувањето исто така покажало дека жените помалку се каат ако „партнерот бил вешт и ако се чувствувале сексуално задоволени“.

Сите учесници во истражувањето на Норвешкиот универзитет за наука и технологија и Универзитетот на Тексас биле на возраст до 30 години.

Претходни истражувања покажале дека мажите генерално помалку се каат по секс за една вечер во споредба со жените и тоа немало врска со фактот кој ја презел иницијативата.

„Жените кои иницираат секс најчесто имаат најмалку две изразени заеднички карактеристики“, вели професор Дејвид Бас од Универзитетот на Тексас.

„Прво, во најголем број случаи имаат здрава сексуална психологија и максимално ја имаат прифатено и уживаат во својата сексуалност. Второ, жените кои преземаат иницијатива имаат максимален избор за тоа точно со кого сакаат да имаат секс. Следствено, имаат помалку причини да чувствуваат каење бидејќи сами го направиле тој избор“, вели тој.

Овие резултати се уште еден важен потсетник колку е важно жената да биде способна сама да донесува автономни одлуки во поглед на нејзиното сексуално однесување“, вели доктор Џој П. Викоф од Универзитетот на Тексас.

„Каењето е многу непријатна емоција и резултатите од нашето истражување покажуваат дека кога жените имаат контрола врз одлуката да имаат секс, тоа го спречува чувството на каење“, вели таа.

Добар секс

Истражувањето исто така покажа дека сексуалната компетентност на партнерот игра голема улога во тоа дали жената ќе се кае по сексот за една вечер или не.

„Жените помалку се каат ако сексот бил добар. Причината е биолошка“, вели Монс Бендиксен од Катедрата за психологија на Норвешкиот универзитет.

Биолошки, жените имаат поголем влог во последиците од одлуките се сексуални односи поради можноста да забременат.

„За жените, сексуалната вештина може да биде знак за квалитетен маж“, вели Кели Асао која работеше на истражувањето.

Одвратни искуства

Истражувањето покажа дека чувствата на „гадење“ или „одбивност“ се најголеми причини зошто и мажите и жените би се каеле по ваква кратка сексуална средба за една вечер.

Под оваа категорија спаѓа и моралното каење, но исто така и ако средбата била „нехигиенска“ или ако го сметале сексот за „одвратен“.

Истражувањето исто така покажало дека иако повеќето од норвешките студенти имале повеќе секс без обврски од американските, имало мала разлика во причините за каење.

Коментирај