Предводникот на македонската кошаркарска репрезентација одреди 14 кошаркари за натпреварите против селекциите на Шпанија и на Украина.
Селекторот на нашата машка сениорска репрезентација, Драган Бајиќ, го објави списокот на кошаркари на кои ќе смета за јулскиот ФИБА прозорец од квалификациите за Мундобаскетот 2023.
Со оглед на краткиот временски период до првите квалификациски обврски, односно наредниот натпревар од квалификациите закажан за 1 јули кога ѝ гостуваме репрезентацијата на Шпанија, селекторот Бајиќ се определи за еден потесен список од 14 кошаркари.
Првиот собир на репрезентацијата е предвиден да биде на 25 јуни во салата „Борис Трајковски“ во Скопје, во 10:00 часот, каде „Црвено-жолтите“ ќе се подготвуваат до заминувањето за Сарагоса, како и по враќањето од Шпанија.
Инаку, освен дуелот со „Црвената фурија“ во Сарагоса, Македонија ќе одигра уште еден натпревар во јулскиот квалификациски циклус за пласман на Мундобаскетот. Имено, на 4 јули во „Борис Трајковски“ од 18 часот ни гостува Украина.
Повикани играчи:
Војдан Стојановски - МЗТ
Бојан Крстевски - МЗТ
Адем Мекиќ - МЗТ
Кристијан Николов - МЗТ
Дамјан Робев - МЗТ
Стојан Ѓуроски - Пелистер
Андреј Маслинко - ТФТ
Страхил Николов - ТФТ
Виктор Ташовски - ТФТ
Виктор Ефремовски - Гостивар
Валмир Какруки - Работнички
Теодор Симиќ - Барселона (Шпанија)
Андреј Јакимовски - Вашингтон Стејт (САД)
Рубин Стефанов - Римини Крабс (Италија)