Правењето селфи фотки од невообичаени места и ситуации е популарна активност, но речиси ниту едно селфи досега не е ни приближно легендарно, како селфито со киднаперот на авионот на EgyptAir.
Авторот на селфи фотката со киднаперот со лажен елек со експлозив е 26-годишниот Англичанец Бен Инс, кој вели дека не знае зошто точно ја направил фотката. Вели дека сакал да помогне ситуацијата да остане позитивна иако била релативно тешка.
Инс бил еден од 55-те патници на летот MS181 кој летал од Александрија до Каиро, кој по киднапирањето слета на Кипар.
Киднаперот Шеиф Елдин Мустафа ги ослободил речиси сите патници, но Инс, заедно со уште двајца други патници и четири припадници на екипажот биле задржани во авионот.
Англичанецот вели дека бил многу исплашен, но вели дека киднаперот не делувал многу застрашувачки. По половина час од киднапирањето, решил да направи селфи со него.
„Сметав дека тоа ќе биде најдоброто селфи што можеш да им го пратиш на другарите - подобро од секое селфи што може да се направи од излегување или од одмор“ - вели Инс. Тој додава дека замолил еден од членовите на екипажот да преведе и да го праша киднаперот дали може да се фотографираат.
На крајот тој вели дека сфатил дека може да ја искористи фотографијата за да провери дали елекот на киднаперот е вистински полн со бомби. Заклучил дека е лажен и почнал да им пишува на пријателите и блиските.
Ben Innes from #Aberdeen poses for a picture with #EgyptAir #MS181 hijacker. pic.twitter.com/ywdGYuDWwm
— Paul Smith (@Journo_Paul) March 29, 2016