Фудбал

Сем Алардајс го повикува Волкот во Евертон

12. јануари 2018 - 14:13 | М.Д.

Менаџерот на Евертон потврди дека овој клуб преговара со фудбалерот на Арсенал, кој од 26 април се нема најдено во почетната постава на натпревар во Премиер лигата.

Тео Волкот во јануари 2006 година, со неполни 17 години, премина од Саутемптон во Арсенал, па во јуни отпатува со репрезентацијата на Англија на Мундијалот во Германија.

Неговата кариера во следните 11 години не беше толку спектакуларна како што се очекуваше, но сепак не може да се каже дека немаше добри игри, голови и асистенции.

Како и да е оваа сезона од некоја причина Волкот е потполно отстранет од екипата на Арсенал.

Вистинска шанса доби само во Лига Европа и во куп натпреварите, додека во Премиер лигата како резерва забележа само 49 минути на пет настапи.

Во однос на тоа дека има 28 години, логично е некои клубови да сакаат да го искористат неговиот потенцијал, а најголем интерес покажува Евертон и неговиот нов тренер Сем Алардајс.

„Би бил воодушевен ако го реализираме тој трансфер, што секако нема да биде лесно да се направи. Покрај тоа што претставува непосредна закана за противничкиот гол, Тео има брзина и одличен центаршут. Ништо нема да се случи во наредните ден-два, но преговорите се во тек“, изјави Алардајс за британските медиуми, потврдувајќи ги шпекулациите за трансфер на Волкот во Евертон.

Искусниот стратег во јануарскиот трансфер период веќе го ангажираше напаѓачот на Бешикташ Ченк Тосун, за 27 милиони фунти.

Волкот, кој има договор со Арсенал до летото 2019, а би го чинел Евертон околу 20 милиони.  

Коментирај