Роднините на американскиот поп пејач Принс, поднесоа тужба против доктор од Минесота, кој му препиша лекови на покојниот уметник пред смртта.
Тие пренесуваат дека докторот препишал неправилна доза на медикаменти против зависност, што на крајот имаше и фатален исход, пренесува „Minneapolis Star Tribune“.
Во тужбата против докторот Михаел Шуленберг и „North Memorial Health Care“, стои дека тој два пати му препишал силни аналгетици, „без легитимна здравствена причина, неколку дена пред смртта на пејачот“.
„Тој пропушти на адекватен начин да процени, дијагностицира и да го лекува Принц поради неговата препознатлива зависност од опијати. Тоа доведе до фатални последици“, се вели во дел од тужбата, пренесуваат светските медиуми.
Понатаму се пренесува и дека не држењето до стандардите на медицинската пракса, имало значајна улога во смртта на Принс.
Принс почина во 2016 година, на 57 години. Тој беше пронајден мртов после предозирање со аналгетик фентанил на имотот „Paisley Park“.
Медиумите тогаш пренесуваа дека пејачот сметал дека зема викодин, а всушност станувало за друг лек кој содржи фентанил и кој е 30 до 50 пати посилен од хероинот.