Семејството на убиениот Американец не го обвинува изолираното племе

Семејството на Американецот Џон Ален Чау кој беше убиен со стрели од припадници на изолирано племе на Андаманските Острови, соопшти дека им простува на домородците и дека не ги обвинува за убиството.

„Тој го сакаше Бога, животот, сакаше да им помага на оние на кои тоа им беше потребно и чувствуваше само љубов кон Сентинелезите“, стои во соопштението.

Семејството додава дека 27-годишниот Чау отишол на островот „своеволно“.

„Повикуваме да бидат ослободени пријателите кои нашиот син ги стекна додека патуваше. Тие не треба да бидат обвинети за нешто што нашиот син го направи своеволно“, велат тие, алудирајќи на фактот дека седумте рибари кои го однеле Чау до островот се уапсени.

Нелегално е да се стапува во каков било контакт со изолираните и загрозени андамански племиња бидејќи се ризикува да се заразат нивните припадници со болести од модерниот свет.

Се проценува дека на островот живеат околу 50 до 150 припадници на племето Сентинелези кои се отсечени од цивилизацијата по нивна волја.

Рибарите кои го однеле Чау на островот рекле дека откако бил погоден со стрели, Американецот продложил да оди по плажата. Потоа домородците му врзале јаже околу вратот и го влечеле, но се исплашиле и побегнале, оставајќи го неговото тело на плажата.

Телото е уште на островот

Телото на Чау уште не е земено од островот. Ова е тежок случај за полицијата која не смее да се доближи до островот, а не смее ни да ги уапси домородците.

„Се држиме на извесно растојание од островот и уште го немаме најдено телото. Ова ќе потрае неколку дена“, изјави полицискиот началник Депендра Патанк за новинската агенција AFP.

Полицијата побара помош од експерти, меѓу кои и антрополози, за да им помогнат во истрагата.

„Мораме да внимаваме да не ги вознемириме жителите на островот. Ова е многу деликатен случај и истрагата ќе потрае.“

Кој е Џон Ален Чау?

Локалните медиуми објавија дека Чау најверојатно сакал да се сретне со припадници на племето и да им проповеда христијанство. На социјалните мрежи, младиот човек се претставувал како ентузијаст за патување и авантури.

„Сакам да истражувам“, изјавил Чау за Outbound Collective пред четири години, пренесува BBC. „Без разлика дали се работи за авантура низ густа прашума или наоѓање водопади во џунгла или само скитање низ град за да се чувствувам подобро, во секој случај, во суштина сум истражувач“, рекол тој.

Според досега достапните информации од полицијата и новинарот Субир Баумик чија специјалност е овој остров, Чау го имал посетено островот четири-пет пати претходно.

Патанк за индискиот вебсајт News Minute изјави дека Чау живеел во Алабама, САД и дека бил „некаков лекар“.

„Луѓето мислеа дека е мисионер бидејќи зборуваше за Господ, а кажуваше дека е верник и на социјалните мрежи. Но, не беше мисионер. Беше авантурист. Неговата намера беше да ги запознае домородците“, изјави негов близок пријател.

Во интервјуто што го дал за Outbound Collective во 2014 година, рекол дека работи како фудбалски тренер во Ванкувер и дека уште од мал бил фасциниран од необични патувања.

Тој исто така рекол дека инспирација му се мисионерот Дејвид Ливингстон и Исус. Во тоа интервју тој вели дека најголема желба му е да се врати на островот.

„Таму има многу што да се види и да се направи“, сметал тој.

Доближувањето на племињата е опасно и противзаконско

Локалните служби нагласуваат дека племето живее на овој остров изолирано веќе 55.000 години и дека нема развиено отпорност на болестите на развиениот свет, како грип или сипаници.

Во 2017 година индиската влада го прогласи за нелегално и фотографирањето и снимањето на домородните племиња на Андаманските Острови и законот предвидува казна затвор до три години за кршење на овие правила.

Survival International вели дека Чау можел да им пренесе болести на домородците што би можеле да ги убијат.

Локалната полиција рече дека Чау дошол со рибарите на островот во текот на ноќта и дека им носел подароци на домородците како фудбалска топка, рибарски мрежи и ножици.

реклама

Голем месечен хороскоп за април 2024: Ретрограден Меркур им ги мрси конците на неколку знаци

Read more

Како е поврзано пиењето кафе со ракот на дебело црево?

Read more

Се степале вработени во болница во Карпош

Read more

Едноставен и брз метод: Белите патики повторно ќе изгледаат како нови

Read more

Свет

Во Франција за Велигден ќе биде распоредена полиција пред секоја црква

Read more

Пет сценарија како Франција може да се вмеша во војната во Украина

Read more

Путин: Обвинувањата дека Русија ќе ја нападне Европа по Украина се глупост

Read more

Италија има план како да ја сотре мафијата – Коза ностра прва на нишан

Read more
 

Вести

Госпоѓиците од Авињон на сцената на Националната опера и балет

Читај повеќе

ВМРО-ДПМНЕ: Растот на платите со кои се фали Битиќи е лага, платите се стопија со порастот на трошоците на живот

Читај повеќе

Села оди во коалиција со Ахмети

Читај повеќе

Македонија треба да ѝ врати 2,2 милиона евра на Европската комисија - биле злоупотребени преку Еразмус+

Читај повеќе

Хоспитализирана 71-годишна скопјанка, jа нападнале две лица

Читај повеќе
  • play_arrow

Апасиев: НАТО не носи демократија, НАТО е кршач на меѓународното право и Повелбата на Обединетите нации

Читај повеќе

Во Франција за Велигден ќе биде распоредена полиција пред секоја црква

Читај повеќе

Расправија за паркинг во Аеродром прераснала во голема тепачка

Читај повеќе

Се степале вработени во болница во Карпош

Читај повеќе