Иако балансот помеѓу работата и животот може да биде предизвик за многумина, Семјуел Л. Џексон изгледа има посебен рецепт за успех.
Овој 75-годишен холивудски ветеран, со повеќе од 200 филмски и ТВ улоги зад себе, секогаш наоѓа време за своето омилено хоби - голфот. Имено, во сите негови договори има клаузула која му овозможува да игра голф најмалку два пати неделно.
За Џексон голфот не е само хоби, туку важен дел од неговиот живот, толку многу што станал услов за секој проект на кој работи.
„Во секој договор што ќе го потпишам, мора да има опција да играм голф двапати неделно“, рече тој во 2017 година. Иако многумина се шокирани од таквата привилегија, Џексон смета дека е неопходно да одржува здрава рамнотежа во неговиот напорен распоред.
Неговата љубов кон голфот го доведе до тоа да игра со некои од најпознатите луѓе во светот, вклучувајќи ги и поранешните американски претседатели Бил Клинтон и Доналд Трамп.
Џексон објаснува дека голфот совршено му одговара бидејќи тоа е игра која бара самодисциплина и преземање одговорност.
„Го сакам голфот бидејќи тоа е идеална игра за поединец како мене. Во оваа игра вие ја преземате одговорноста за се што правите погрешно и ја добивате целата заслуга за сè што правите добро“, рече тој во интервју за CNN. Се чини дека оваа филозофија го одразува неговиот пристап кон неговата кариера - преземање контрола врз неговите постапки и одлуки.
Покрај тоа што сака да ја преземе одговорноста на теренот за голф, Џексон признава дека сака да има контрола и на филмски сет.
„Можам да бидам тежок за некои режисери“, признава актерот, додавајќи дека понекогаш едноставно одбива да снима дополнителни кадри.
„Алергичен сум на дополнителни акдри и понекогаш ќе кажам дека не сакам да снимам нешто“, откри тој.
