Американската тенисерка Медисон Киз е победничка на овогодинешното издание на Австралија опен во женска конкуренција.
По Ига Швјонтек, втората во светот, Киз во финалето во три сета (2:1) ја совлада најдобрата на ВТА листата, Арина Сабеленка. Мечот траеше нешто повеќе од два часа, а Киз победи со 6:3, 2:6, 7:5.
19-тата носителка одигра неверојатен турнир на патот до својата прва Грен слем титула (играше и во финалето на УС опен во 2017 година). Таа не само што ги победи двете првопласирани, туку и Елина Свитолина, Елена Рибакина и Даниел Колинс.
Затоа, таа влезе полна со самодоверба во овој меч, за што најдобро сведочи нејзиниот сервис, за кој двократната и актуелна шампионка немаше одговор.
Киз доминираше во првиот сет, еден брејк ѝ беше доволен да го освои сетот. Во вториот, очекувано, Сабаленка одговори на вистински начин. Апсолутно доминираше, двапати го освои сервисот на Киз и со 6:2 се избори за трет сет.
Двете тенисерки го чуваа сервисот во решавачкиот сет, се до 12-тиот гем кога од никаде Киз дојде до две брејк и меч топки. Ја искористи втората и ја освои првата Грен слем титула во кариерата.
Утре во машкото финале бранителот на титулата Јаник Синер ќе игра против Александер Зверев.
