Кошарка
ЕВРОЛИГА 2019/2020

Сензационална тројка од половина терен против поранешниот тим

14. декември 2019 - 12:20 | А.С.

Бекот на Зенит Алекс Ренфро за момент го шокираше Баерн Минхен со сензационален кош од средина на теренот на крајот од втората четвртина од натпреварот меѓу двата тима од Евролигата во 13-тото коло.

На четири секунди пред паузата помеѓу двете полувремиња, Ренфро ја собра топката, стигна до средината на теренот и шутираше кон кошот на Баварците и резултатот беше спектакуларна тројка.

Ренфро го заврши мечот со 18 поени, но Баерн сепак победи со 77-69.

Ренфро играше за Баерн Минхен од јуни, 2015 до ноември, 2016 кога потпиша за Барселона.

Оттогаш смени неколку клубови додека не дојде во Зенит Санкт Петербург во јуни годинава.

Родум Американец, Ренфро како натурализиран играч настапувал за репрезентацијата на Босна и Херцеговина.

Коментирај