Познатата тенисерка му врати со одговор на славниот американски тенисер Џон Мекинро, кој изјави дека во машка категорија таа би стигнала само до 700 место.
Серена паузира од натпревари бидејќи е бремена, а на Twitter не му остана должна на тенисерот.
„Драги Џон, ти се восхитувам и те почитувам, но те молам не ме спомнувај во твоите изјави за кои немаш никакви факти. Никогаш не сум играла со некој кој е „таму“ рангиран, ниту имам време за тоа. Почитувај ме мене и мојата приватност додека се обидувам да станам мајка“, му одговори Серена.
Мекинро претходно ја пофали Серена, но истакна дека машкиот и женскиот тенис се две различни работи, односно дека не би мрднала од 700 позиција на АТП листата доколку би се натпреварувала со мажи.
