Една од најдобрите тенисерки на светот, Серена Вилијамс, објави дека е бремена и со тоа најверојатно става крај на величествената кариера.
Серена (35) денес на Snapchat објави фотографија со коментар „20 недели“ на која се гледа заобленото трудничко стомаче.
Иако за кратко време ја избриша, фотографијата веднаш се рашири на интернет.
Тенисерката со 23 Грен слем титули е во врска со основачот на Reddit Алексис Оханиан, а во декември минатата година соопштија дека се свршени.
Вилијамс во финалето на Australia Open ја совлада сестра ѝ Венус и со тоа го сруши светскиот рекорд по број на освоени Грен слем титули.
По турнирот во Мелбурн веќе не се појавуваше на турнири. Во март службено соопшти дека не игра поради повреда на коленото, а сега е јасна точната причина зошто се повлече.
Со оглед на тоа дека следната сезона Серена ќе има 36 години, ова најверојатно значи крај на нејзината спектакуларна кариера што трае 22 години.
