Најдобрата тенисерка во светот, Серена Вилијамс соопшти дека не се откажува од тенисот и дека ќе се врати на натпреварите, по породувањето.
Вилијамс е на прво место на ВТА листата најдобри тенисерки во светот, иако нема професионално играно од настапот на Австралија Опен пред 3 месеци.
Серена е свршена за Алексис Оксаниан, основачот на Reddit. Таа порача дека засега ќе се повлече бидејќи е бремена, а во 2018 година планира да се врати на теренот.
На Instagram таа објави емотивна порака до своето неродено дете, во која вели дека одвај чека да го запознае и дека е среќна што со него го споделува првото место во женскиот тенис.
