Повеќекратната добитничка на Грен слем титула, американската тенисерка Серена Вилијамс, изјави дека татко ѝ отсекогаш ја советувал да има резервен план ако не ѝ успее тениската кариера.
Вилијамс неодамна се појави на насловната страница на изданието 2019 Fashionable Fifty на Sports Illustrated, изјави дека ќе се фокусира само на нејзиниот моден бренд откако ќе заврши со тениската кариера.
„За мене е важно да имам нешто на страна од тенисот бидејќи отсекогаш и сум го планирала тоа“, рече Вилијамс. „Татко ми секогаш ме потсетуваше:’Нема да можеш да играш тенис засекогаш’“.
37-годишната тениска кралица има неверојатни 23 Грен слем титули и во 2017 година се врати да доминира со тениските терени откако паузираше поради бременоста.
Модниот бренд на Серена Вилијамс S by Serena не е само уште еден бизнис на кој стои славно име. Додека редеше тениски титули на почетокот на 2000-ти, таа истовремено студираше мода на Институтот за уметности во Форт Лодердејл, Флорида.
„Кога отидов да студирам мода, знаев дека тоа ќе биде нешто што сакам да го правам во иднина. Но, тоа не е професија на која можеш да се фокусираш паралелно со спортот. Но, многу ја сакам модата и сакав да учам.“
Иако Вилијамс нема најавено никакви планови за повлекување, сепак се доближува до возраста на која повеќето професионални тенисери ја завршуваат кариерата.
Според статистиката на Essentially Sports тенисерите се пензионираат на возраст од 30 до 35 години, а некои играат и до 40.
