Здравствената служба во Англија соопшти дека денеска е пуштен од болница поранешниот руски двоен агент, Сергеј Скрипал, кој во март беше отруен со нервен агенс во гратчето Солсбери, на југ во Англија.
Скрипал и неговата ќерка Јулија беа пронајдени без свест на 4 мај на клупа во Солсбери.
Неговата ќерка, Јулија Скрипал, беше пуштена од болницата минатиот месец.
„Фантастична вест е да се слушне дека Сергеј Скрипал е доволно добар за да ја напушти болницата“, соопшти англиската здравствена служба.
Британија ја обвини Русија дека стои зад нападот со нервен агенс, а владите на Западот, вклучувајќи ја и владата на САД, протераа повеќе од 100 руски дипломати.
Русија ги отфрли шпекулациите дека на кој било начин е вмешана во труењето на Сергеј и Јулија Скрипал.