Во очекување на официјализација на календарот, најверојатно мразот ќе го скршат екипите на Торино и Парма на 20 јуни во 19:30 часот.
Фудбалерите на „Граната“ на „Гранде Торино“ стадионот ќе ги пречекаат „Жолто-сините“ од Парма во натпревар кој ќе го означи долгоочекуваното продолжување на италијанската лига. Планот на Лега Калчо е со овој натпревар закажан за в сабота, 20 јуни од 19:30 часот официјално да продолжи сезоната.
Истиот ден од 21:45 ќе следи дуелот на Верона и Каљари, а наредниот ден уште два дуела: Аталанта - Сасуоло и Интер - Сампдорија. Тоа се всушност четирите одложени натпревари од 25. коло.
Потоа сезоната ќе продолжи со натпреварите од 27. коло бидејќи оние од 26. коло се одиграа пред да настапи прекинот.
Треба да се одиграат вкупно 124 натпревари и тоа за 43 дена.