Samsung прв ги претстави мобилните телефони со Gorilla Glass Victus стакло, неговата серија Galaxy S22 беше првата што го имплементира подобреното Victus+ стакло, а сега историјата се повторува.
Претстојната серија Galaxy S23 на Samsung ќе биде првата што ќе има Gorilla Glass Victus 2.
Новата верзија на гореспоменатото стакло е дизајнирана да „преживее“ падови на цврсти површини, вклучувајќи многу груби површини како бетон, од висина од еден метар односно од висина на колковите. Исто така, уредите заштитени со ова стакло треба да „преживеат“ пад на асфалт од висина до два метра.
Стаклото Gorilla Glass Victus 2 содржи во просек 22 проценти рециклиран материјал, поради што ја доби ознаката Environmental Claim Validation.
Стаклото Victus 2 ќе ги заштити предната и задната страна на телефонот, исто како стаклото Victus+ и серијата S22.
„Посветени сме на интегрирање на одржливоста во текот на целиот животен циклус на производот, работејќи со партнери со истомисленици како Corning за да ги подобриме перформансите додека го намалуваме влијанието врз животната средина. Нашиот паметен телефон Galaxy од следната генерација ќе биде првиот што ќе користи Corning Gorilla Glass Victus 2, нудејќи подобра издржливост и подобрена одржливост“, рече Стефани Чои, извршен потпретседател и главен маркетинг директор во Samsung.
