Гигантот од Париз комплетираше уште еден голем трансфер и полека гради фаворитски тим за новата сезона во Лигата на шампионите.
По Ашраф Хакими, Серхио Рамос е најновото засилување за Пари Сен-Жермен, потврди клубот денеска.
„Ние во ПСЖ сме презадоволни што можеме да го објавиме пристигнувањето на Серхио Рамос во тимот. Шпанскиот централен дерфанзивец потпиша двегодишен договор и се обврза да остане во францускиот главен град до 30 јуни 2023“, се пофалија „Светците“.
За доаѓањето на Серхио Рамос во Париз се знаеше веќе некое време и се чекаше само официјализација.
„Многу сум среќен што доаѓам во Пари Сен-Жермен. Ова е голема промена во мојот живот, нов предизвик и ден кој никогаш нема да го заборавам. Многу сум горд што сум дел од овој амбициозен проект, што ќе бидам дел од овој тим во кој се многу големи играчи. Пари Сен-Жермен е тим кој се има докажано на највисо ниво. Сакам да продолжам да напредувам во Париз и да му помогнам на тимот да освои што е можно овеќе трофеи“, е првата изјава на Рамос како играч на ПСЖ.
Тој кариерата ја почна во сезоната 2003/04 во дресот на вториот тим на Севиља, од каде и изникна од академијата. Потоа една сезона играше за превиот тим кога Реал Мадрид го фати на радарот и го прибра кај себе. Во шпанската престолнина остана цели 16 години, стана капитен, одигра 671 натпревар на кои постигна 101 гол, а освои и куп трофеи.
Рамос е капитен и на репрезентацијата на Шпанија, но поради повреда не беше дел од ЕУРО 2020. Има одиграно дури 180 натпревари зачинети со 23 гола.