Северина беше главна ѕвезда на ревијата „Dioklecijan i njegove žene“ на дизајнерката Матија Вуица.
Ревијата се одржа во Сплит во рамки на манифестацијата „Štorije Dioklecijana“ со која се одбележа Светскиот ден на туризмот. Северина носеше луксузен кралско син фустан, раскошен накит и штикли.
„Можев да го изберам фустанот, но круната го избра...“, напиша Северина.
Вуица со модата се занимава повеќе од 40 години и има соработувано со речиси сите познати личности на Балканот и пошироко. Меѓу нив секако е и Северина.
„Таа е една од оние жени кои влегоа во мојот живот и трајно останаа во него. Во текот на овие 40 години работев со многу жени од целиот јавен живот, актерки, политичарки, правнички, пејачки... Сепак, некои си заминаа. Има некои луѓе како Зринка или Северина кои се секогаш тука. Соработката со неа е секогаш интересна. Тешко е да ја фатам, но кога ќе успеам и кога ќе дојде, тогаш само седнуваме, разговараме и почнуваме да вежбаме. Што и да видам на неа, тоа е секогаш топ. Луѓето знаат да кажат дека и чантата ѝ стои убаво и тоа е навистина точно и таа е една од ретките, ако не и единствена, затоа што едноставно го има тој фактор во себе“, изјави претходно Вуица.