Северна Кореја извршила лансирање на повеќе ракети. Во соопштението се наведува дека проектилите биле лансирани од крајбрежјето, од градот Вонсан, пренесе агенцијата Reuters. Засега нема детали дали лансирањето било успешно.
Ова лансирање е најново во низата на ракетни лансирања од страна на Пјонгјанг кој настојува да изгради нуклеарна ракета доволно моќна да може да допре до крајбрежјето на САД.
АП наведува дека проектилите кои биле лансирани од Вонсан летале околу 200 километри, при што достигнале максимална височина од два километри.
Ракетите паднале во водите помеѓу Корејскиот полуостров и Јапонија, каде се наоѓаат американските носачи на авиони USS Carl Winston и USS Ronald Reagan, кои оваа недела изведоа воена вежба заедно со војската на Јужна Кореја.
Инаку, ова е четврта ракетна проба која ја изведе Северна Кореја од моментот кога на 10.мај новиот претседател на Јужна Кореја Мун Џае-ин стапи на функцијата.
