Северна Кореја ја поддржа руската прогласена анексија на делови од Украина, соопштија од Министерството за надворешни работи на Северна Кореја, обвинувајќи ги САД за примена на „гангстерски двојни стандарди“ во мешањето во работата на другите земји.
Киев и западните сојузници ги окарактеризираа референдумите одржани на окупираните територии како нелегални, а Вашингтон ги повика земјите членки на ОН да не признаваат каков било изменет статус на Украина. Ја повикаа Русија да ги повлече своите трупи од регионот во кои со сила зазеде териториите, каде борбите траат до денес.
Џо Чол Су, советник во Министерството за надворешни работи на Северна Кореја, порача дека референдумите се легитимно одржани во склад со Повелбата на ОН, а посочи дека „САД имаат гангстерски двојни стандарди“.
„За да одржат ‘униполарен свет’, САД се мешаат во внатрешните работи на независни земји и ги кршат нивните законски права со злоупотреба на Советот за безбедност на ОН“, изјави Џо, пренесе државната новинска агенција KCNA.
Тој додаде:
„САД покренаа агресивни војни против суверени држави меѓу кои и Југославија, Авганистан и Ирак, но Советот за безбедност на ОН никогаш не ј доведе улогата на САД во прашање“, додаде Џо.
Украина ги прекина односите со Северна Кореја, која важи за традиционален руски сојузник, откако во јули Пјонгјанг ги призна двете самопрогласени републики на истокот на Украина.