Севернокорејските државни медиуми објавија видео на кое се гледа како војниците таму кршат бетонски блокови со глави и раце, виткаат челични шипки...
Снимката е направена на претставувањето на одбранбените способности на армијата одржана во Пјонгчанг, а меѓу гледачите беше и севернокорејскиот диктатор Ким Џонг Ун.
На снимката се гледа како војници кршат цигли и плочки со рацете и главите. Лежат на парчиња стакло и клинци додека други војници кршат бетонски плочи по нивните тела со чекани.
Големото финале покажува како двајца војници со вратот виткаат железни шипки и ги кршат синџирите завиткани околу нивните тела со силата на мускулите.
Севернокорејските медиуми наведуваат дека настанот бил организиран со цел „да им се покаже на непријателите дека војниците имаат железни тупаници со кои го штитат мирот“.
