Севернокорејски војници убиле и спалиле јужнокорејски службеник, соопшти денеска Јужна Кореја, осудувајќи го овој „брутален чин“.
Сеул соопшти дека службеникот исчезнал од патролниот чамец во близина на границата и дека подоцна е пронајден во севернокорејски води.
Според тврдењата од Сеул, севернокорејски војници го убиле мажот, а потоа неговото тело го полиле со нафта и го спалиле. До овие заклучоци било дојдено со анализа на „различни информации“, објави BBC.
Пјонгјанг се нема официјално огласено за инцидентот.
Северна Кореја ја засили контролата на своите граници, а нејзините сили наводно имаат „дозвола за убивање“ за да спречат влез на коронавирусот во земјата.
Убиениот службеник наводно работел за Министерството за рибарство, имал 47 години и бил татко на две деца.
Севернокорејските служби наводно и го испрашувале, а потоа било наредено да биде убиен и спален.
