Севилја потврди дека ќе ги тужи сите страни вмешани во трансферот на Витоло, значи Атлетико Мадрид, Лас Палмас и шпанскиот репрезентативец.
Атлетико пред две недели објави дека Витоло потпишал петгодишен договор, иако неколку дена претходно првиот човек на Севилја, Хозе Кастро, изјави дека клубот и фудбалерот се договориле тој да го продолжи договорот.
Како што соопшти Кастро, тој бил убеден дека Севилја преговара со фудбалерот врз основ на претходниот договор, но веднаш потоа Атлетико објави дека договорил петгодишна соработка со Витоло.
Бидејќи екипата од Мадрид има забрана за трансфери во овој преоден рок, клубот веднаш објави дека Витоло ќе биде позајмен во Лас Палмас до 31 декември годинава. Инаку, Витоло сам го откупи договорот вреден 33 милиони евра од Севилја.
Сепак, според некои извештаи, играчот договорот не го откупил со свои, туку со пари што ги добил од Атлетико.
Севилја во петокот на состанокот на бордот на директори реши да ангажира правен тим по повод трансферот на Витоло.
Најавена е тужба против фудбалерот, неговиот татко, агенцијата „Бахија“, Атлетико Мадрид и Лас Палмас.
