Откако Ким Катрал категорично ја исклучи можноста да се појави во трето продолжение од филмскиот серијал Sex and the City, се чинеше дека нема никакви надежи дека филмот некогаш ќе се сними.
Меѓутоа актерката која ја играше улогата на легендарната Саманта Џонс, има дури два предлози за тоа која актерка би можела да ја замени.
Катрал ги предлага Тифани Хедиш од Girls Trip и Софија Вергара од Modern Family.
Тие се истакнуваат меѓу фантастичните актерки кои одлично би го доловиле ликот на Саманта на свој начин, рече Катрал.
Актерката го играше ликот на Саманта во шест сезони од серијата и два филмови Sex and the City.
Таа ги негира шпекулациите дека ја одбила улогата во трето продолжение поради висината на хонорарот или бидејќи има барања на „дива“.
Нејзините предлози следат откако Сара Џесика Паркер, која го играше ликот на Кери Бредшо во популарниот серијал за четирите пријателки од Њујорк и нивните секс авантури, навести дека можно е да се сними трет филм без Катрал.
„Знаете, не се знае. Можеби ќе најдеме начин. Сега засега, не знам“, рече Паркер во Шоуто на Елен Деџенерис.