Сезонски рекорд на Покушевски

Кошаркарите на Бостон победија синоќа на гостувањето кај Оклахома (132:123) и со тоа им го нанесоа десеттиот последователен пораз во НБА лигата.

Српскиот кошаркар Алексеј Покушевски постигна сезонски рекорд со 19 поени, со шест фатени топки и три асистенции.

На теренот мина 28 минути, шутираше 7/13 од игра, 3/8 за три, а од линијата за слободни фрлања имаше ефект 2/3.

Ова е десетти пат за Покушевски да има двоцифрен учинок на последните 11 натпревари, а го започна на 9 февруари во поразот од Торонто, кога имаше 18 поени, што до синоќа беше негов најдобар учинок.

Тре Ман постигна 35 поени за домашниот тим, со седум скока. Тој влезе во историјата на лигата, како првенец со седум последователни тројки во првото полувреме.

Шеј Гилгес-Александер постигна 31 поен, со девет асистенции, Дариус Бејсли забележа дабл-дабл со 22 поени и 10 скока.

Најдобар во победничкиот тим беше Џејсон Тејтум со 36 поени, седум скока и шест асистенции, Џејлен Браун додаде 25 поени, додека дабл-дабл учинок оствари Грант Вилијамс со 20 поени и 10 скока.

Бостон е на четвртото место во Источната конференција со 45 победи и 28 порази, додека Оклахома е на претпоследното, 14. место во Западната конференција со 20 победи од 72 натпревари.